7.14.2012
5.18.2012
2.23.2012
11.23.2011
7.20.2011
2.07.2010
السفير المصرى يعود للجزائر بعد شهرين من استدعائه .. يا وجعى!!!!!!
السفير المصرى يعود للجزائر.. يا مصيبتى
حدث ما توقعناه؛ و عاد سفير حكومتنا الرشيدة للجزائر بدون إنتهاء سبب إستدعاؤه حسب ما قالته حكومة مصر السنية..
2.02.2010
1.29.2010
مبروك.. إذلال الجزائر..
مبروك.. إذلال المغتصبين ..
الذين إغتصبوا بالزور و البهتان حقنا فى الذهاب إلى جنوب أفريقيا.. و الغريب إن مستواهم الحقيقى ظهر فى بداية البطولة و فى ماتش أمس.. فقد منوا بالهزيمة المذلة من أضعف فرق المجموعة و بهزيمة الإذلال من فريق الشجعان.. وده حصل بس لما كان لهم حكم فاهم و عادل مش حكم مرتشى مثل إيدى ماييه.. إياه.. إللى سابهم يعملوا العنف و الإرهاب فى إم درمان.. و لغى لهم هدف جميل للإيفواريين.. لكن أمس بس عرفنا حكمة ربنا.. أنه سمح بالتزوير و الحظ.. عشان ناخد بتارنا إمبارح.. ألف مبروك.. و الصورة فعلا كانت حلوة جدا.. لم يشوبها شئ سوى الإصرار على أقحام الدين فى الماتش.. و كأن تأكيد على عنصرية الجهاز الفنى الدينية.. و تجلى ذلك فيما فعله أحمد سليمان مدرب عصام الحضرى.. أمام الكاميرا بالتلويح بأحد الكتب المقدسة دينيا.. مع ان الماتش كان ماتش كورة مش ماتش دين .. و الأدهى إن كان بين فريقين من نفس الدين.. فهل معنى ذلك أن الجزائريين تخلوا عن دين المصريين.. الله يسامحك يا أحمد يا سليمان.. و بكدة ما نقدرش ندافع عن حسن شحاتة لما وكالات العالم كله قالت إنه بيختار لاعيبته على أساس تعصب دينى متطرف ..
------
إستدراك.. نبوءة .. و تحذير.
أتوقع من حكومتنا الرشيدة.. تمهيد الأجواء لإعادة السفير المصرى إلى الجزائر دون إعتذار الجزائر عن كل خطاياها فى حق شعبنا الجميل.. على الرغم من كل التصريحات العنجهية السابقة بأنه لا عودة للسفير إلا بعد إزالة أسباب سحبه.. و منها بالطبع إعتذار الجزائر رسميا عن كل ما حدث.. و إبقى إفتكروا...
1.28.2010
مصر و الجزائر .. كلاكيت مرة ثالثة..
طبعا.. قبل بدء فعاليات بطولة كأس الأمم الأفريقية CAN27 بأنجولا كنت أتمنى مواصلة طريقنا بعيدا عن مقابلة الجزائر غير الشقيق (ع الأقل الآن).. لكن ما حدث قد حدث.. فقط أطلب من الرب الآن أن يوقف حظ الجزائر عند هذا الحد.. فقبل البطولة لم يكن من حظوظ الجزائر الوصول أبعد من الدور الأول.. لكن الحظ وقف معاهم بداية من اللوائح الغريبة.. فى الترشح على حساب آخرين أقوى و أفضل فنيا كثيراً ( يا ناس حد يصدق إن فريق يحرز سبعة اهداف و يخرج من البطولة لحساب فريق لم يحرز سوى هدف يتيم باهت مع هزيمة مذلة من أضعف فرق المجموعة.. دى حاجة تجنن).. المهم و إستمرارا لوقوف الجنرال حظ مع الجزائر.. يتكاسل لاعبو الكوتديفوار و يستهترون بالجزائر.. ثم تأكيداً لحظ أليجيرا يقوم الحكم بإلغاء هدف صحيح كان كفيلا بخروج أليجيرا من البطولة و كفاية كدة.. لكن معلهش.. ربنا يستر بقى و لاعبينا يلعبون بتركيز بعيدا عن الإستفزازات أو روح الإنتقام و إلا سيكون نصيبهم نفس مصير الكاميرون معنا فى الدور السابق.. حيث رعب الكاميرون مع روح الإنتقام أدى إلى اخطاء ساذجة إستغلها منتخبنا جيدا و عبرنا.. فإدعوا معى إن ربنا يجنبنا مصير الكاميرون.. لأن الجنرال حظ لو وقف مع الجزائر مش بعيد إنه يقف معاهم لحد ما ياخدوا البطولة كمان.. ربنا يستر 
1.02.2010
مقالة للدكتور رفعت السعيد بالأهرام
ألذ حاجة بقى هو تعليق أحدهم على المقالة.. بخصوص القطط التى تاكل و تسمع
12.22.2009
11.25.2009
مصر .. الجزائر.. السودان.. رايح جاى
على الرغم أنه ليس هناك حديث بين الناس فى مصر سوي التصرفات الهمجية للجزائريين فى السودان و تعديهم على المصريين و المصريات هناك إلا أن الأيام لم تكد تمضى كثيرا حتى كشفت النقاب عن دور بعض الاعلاميين والصحفيين و من يقولون عنهم انهم مفكرون و الذين فقدوا دورهم الحقيقي وانتماءهم لهذا الوطن بمحاولة الدفاع عن الموقف الجزائري في جريمة كشفت مدي الحقد والغل الذي يحمله الجزائريون لمصر...أليس لنا أن نسأل: أين نخوة وشجاعة هؤلاء الذين يدافعون عن الجزائريين بعد كل ما حدث للجمهور المصري ؟! مخالفين لإتجاه الرأي العام المصرى.
و نتيجة لما حدث فى السودان فإننى أضم صوتي لكل المصريين الذين لايرغبون في وجود السفير الجزائري في مصرفيا ترى سيستجيب المسئولون لذلك مقدمين هدية العيد للرأى العام.. لا أظن
6.17.2009
بكل فخر .. كاكا يهزم مصر
بكل فخر .. كاكا يهزم مصر
البرازيل تهزم مصر بالضربة القاضية غير الفنية.. بعد ان تفوقت مصر بالنقاط الفنية
قبل المباراة.. كنت أخشى الهزيمة الثقيلة من قبيلة السامبا الأشداء..و لكن أثناء الشوط الأول فرحت بأننا قد أحرزنا هدفاً فى البرازيل.. و كنت انتويت كتابة تعليق..هيه لقد أحرزنا هدفا فى مرمى البرازيل يا رجالة.. لكن حسن شحاتة و تلامذته ( و أفضلهم سيد معوض.. أحمد فتحى.. محمد شوقى.. محمد زيدان( رغم غضبى منه السابق لتفضيله اللعب للدانمارك على اللعب لمصر.. محمد أبوتريكة..سعيد أوكا.. هانى سعيد( الذى إستفاق أخيراً خلال المباراة بعد عام كامل فى العك الزملكاوى).. المحمدى رغم طرده) و أسوأهم عصام الحضرى( و لا أدرى لماذا الإصرار عليه).. فعلوها و جعلونا نشعر بالفخر.. و لم أصدق نفسى بإنفعالى بالهدفين الملعوبين لمحمد شوقى و زيدان الثالث فى دقيقة و احدة و كأن الهف الثالث جاء بتأثير الصدمة النفسية لفريق البرازيل.. و كأنهم لم يصدقوا أن الفراعنة يقدرون على فعل ذلك.. صحيح أن البرازيل إستهانت بفريقنا لكننا كنا فوق العادة فى هذا اليوم.. و لم تكن البرازيل تستحق أن تفوز بالقاضية غير الفنية على فريق مجتهد مثل الفراعنة.
5.04.2009
إنفلونزا الخنازير
مهزلة تعامل حكومتنا الرشيدة و مجلسنا الموقر سيد قراره فى مسألة إنفلونزا الخنازير موضة الأوبئة الكونية؛ شعار العولمة المرضية؛ مش عارف مين العبقرى اللى كرر إن الحل هو الدبح؛ مع إن مفيش بلد تانى فى العالم كله؛ بما فيها المكسيك صاحبة اول ظهور للمرض؛ قرر نفس القرار المتفرد للفراعنة؛ اللى مش ها يمنع إنتشار المرض لو دخل مصر؛ حيث ان المرض ينتقل بين البشر لو فيه إصابة؛ و كمان مفيش حالة إصابة واحدة لخنزير فى مصر؛ و بدل ما توفر الحكومة أماكن جديدة لحظائر الخنازير بعيد عن العمران؛ فكرت فى أسهل حاجة وهو الدبح؛ و لكن العبقرى صاحب الفكرة؛ كان يقصد القتل الأول ولما لقيوا إن ده معناه تعويضات لأصحاب الخنازير؛ و تجيبلهم منين الحكومة؛ اللى أصلا محتاسة فى تدبير العلاوة الإجتماعية السنوية؛ فكر عبقرينو إن خلاص ندبح الخنازير بالعافية؛ و أصحابها يلبسوا الموضوع؛ ما إحنا ها نسيبلهم لحم الخنازير؛ ياكلوه بقى و لا يبيعوه هم أحرار؛ و مش مهم أرزاق الناس الغلابة اللى بتشتغل فى تربية الخنازير؛ سواء مسلمين او مسيحيين؛ المهم إن مفيش مانع إن المحظورة تركب الموجة؛ و تدخل الموضوع فى شكل دينى؛ مع إن السبب الحقيقى فى القرار مش دينى ولا حاجة.. دا سببه الحقيقى عجز الحكومة عن تدبير الحلول الصحيحة؛ و بقينا مهزأة فى العالم كله؛ لدرجة إن بريجيت باردو إتريقت علينا و قالت غننا متخلفين حسب الـ BBC
و كمان منظمة الأغذية والزراعة إستنكرت الموضوع؛ منهم لله العجزة اللى وكسنا برة و جوة. لا و قال ناقصة إن الأهلى يوكسنا هو كمان و يتغلب أفريقيا و كأن مش مكفيه خيبة الدورى
و كمان منظمة الأغذية والزراعة إستنكرت الموضوع؛ منهم لله العجزة اللى وكسنا برة و جوة. لا و قال ناقصة إن الأهلى يوكسنا هو كمان و يتغلب أفريقيا و كأن مش مكفيه خيبة الدورى
2.01.2008
شدى حيلك يا بلد... هيلللا هوب
غنى يا محمد .. يللا يا مش عارف مين .. كان الأخ محمد نوح ينادى على ولاده فى واحدة من اغانيه عشان يحمسهم للغنا.. ده كان رأيى بصراحة فى الأخ حسن شحاتة فى طريقته لتدريب و قيادة منتخب مصر.. خصوصا فى بطولة كاس الأمم الأفريقية 2006 فى مصر .. و ما كنتش شايف أى دور ليه غير إنه يجمع أحسن لعيبة فى مصر و يرميهم فى الملعب .. يللا هيلا هوب يا أولاد عايزين نغلب .. و ينادى يللا يا عماد.. يللا يا عمرو.. هيه يا أبو تريكة.. أيوة يا حضرى.. و يا صابت .. يا إتنين عور.. لكنها صابت معاه جداً فى 2006.
**********
لكن الحقيقة السنة دى فى بطولة كأس الأمم الأفريقية 2008 بغانا.. و خصوصاً فى ماتش الكاميرون ..و لأول مرة أحس بأن ( حسن شحاتة ) كوتش تقيل بجد و إنه ليه بصمة على اللعيبة و مفيش واحد فيهم يقدر يعمل حاجة اللى إتعلمها منه.. و بيعرف يقرا الماتش و امتى يهدى و إمتى يلعب.. و فى باقى ماتشات المجموعة.ز كنت حاسس إنه ليه هدف عايز يوصله و من وجهة نظره بيعمل تكتيك معين.ز و الحمد لله نجح لحد دلوقتى فى تحقيق الهدف المرحلى .. اللى هو وصوله للدور الثانى رغم كل اللى شايفه من إتحاد الكورة..
**********
و بصراحة لازم الواحد يعترف إن الكابتن حسن شحاتة إتطور كتييير فى أداؤه و فى شكله.. و كمان فى إنفعالاته مع الماتش .. ياه دا فى 2006.. كان حاجة تانية خالص.ز ما كنتش تحس إنه فاهم و إن إنفعالاته كلها إنفعالات مراهقين.ز و بطريقة هيللا هوب .. يللا يا محمد بتاعة محمد نوح.. لكن دلوقتى متحكم فى إنفعالاته و زى ما يكون رزين بجد..
**********
المهم بعد إنتهاء مباريات الدور الأول من كأس الأمم الأفريقية الـ 26 بغانا 2008؛ أتوقع الآتى:-
- فوز نيجيريا على غانا فى دور الثمانية؛ رغم إن نيجريا كانت باهتة و صعدت بالعافية أصلاً.
- فوز كوت ديفوار طبعا على غينيا.. و طبعاً لأن الإيفواريين و خصوصاً دروجبا جايين و شكلهم عايزين يفشوا غلهم من البطولة اللى فاتت إللى خسروها فى النهائى امام مصر بضربات الترجيح من نقطة الجزاء و خصوصاً إنهم كانوا حاسين إنهم احسن من مصر و كانوا أكتر إستحقاقاً مننا بالبطولة الماضية.
- فوز مصر على أنجولا.. و ربنا يبعد فلافيو عن الحضرى .. قولوا يا رب.
- فوز الكاميرون الكاسح على تونس. و الكاسح أولاً لأن تونس باهتة .. و لأن الكاميرون لعب الدور الأول بدلع لثقتهم الشديدة فى نفسيهم و لأنهم خلاص أخدوا الدرس و ناويين يغيروا الصورة بجد.
**********
طبعاً أتمنى فوز مصر فى قبل النهائى. لكن:-
- ده كان ممكن فقط فى حالة فوز غينيا على كوت ديفوار.. و ده صعب جداً و كوت ديفوار ها تنتقم من مصر فى قبل النهائى.
- نيجيريا ها تلاقى الكاميرون فى قبل النهائى.. و طبعا ها يفوز الأسود.
- و يتقابل الكاميرون مع كوت ديفوار فى النهائى و تفوز الكاميرون.
- و مصر تفوز على نيجيريا و تاخد الثالث..
- لكن من ناحية تانية أتمنى الا تفوز غانا على نيجريا.. عشان مصر تاخد الثالث حسب التوقع السابق.. و قبل كده
- أتمنى ان تفوز غينيا على كوتديفوار عشان مصر تصل النهائى و تغلب الكاميرون مرة تانية زى ما عملت فى 2006 و غلبت الكوتديفوار مرتين ببركات الشيخ حسن .. و ده لو حصل إن كوت ديفوار إتغلبت من غينيا نقدر نقول مبروك لمصر الكأس قولوا يا رب.. شيدى حيلك يا بلد
الاشتراك في:
الرسائل (Atom)