1.29.2010

مبروك.. إذلال الجزائر..

مبروك.. إذلال المغتصبين ..

الذين إغتصبوا بالزور و البهتان حقنا فى الذهاب إلى جنوب أفريقيا.. و الغريب إن مستواهم الحقيقى ظهر فى بداية البطولة و فى ماتش أمس.. فقد منوا بالهزيمة المذلة من أضعف فرق المجموعة و بهزيمة الإذلال من فريق الشجعان.. وده حصل بس لما كان لهم حكم فاهم و عادل مش حكم مرتشى مثل إيدى ماييه.. إياه.. إللى سابهم يعملوا العنف و الإرهاب فى إم درمان.. و لغى لهم هدف جميل للإيفواريين.. لكن أمس بس عرفنا حكمة ربنا.. أنه سمح بالتزوير و الحظ.. عشان ناخد بتارنا إمبارح.. ألف مبروك.. و الصورة فعلا كانت حلوة جدا.. لم يشوبها شئ سوى الإصرار على أقحام الدين فى الماتش.. و كأن تأكيد على عنصرية الجهاز الفنى الدينية.. و تجلى ذلك فيما فعله أحمد سليمان مدرب عصام الحضرى.. أمام الكاميرا بالتلويح بأحد الكتب المقدسة دينيا.. مع ان الماتش كان ماتش كورة مش ماتش دين .. و الأدهى إن كان بين فريقين من نفس الدين.. فهل معنى ذلك أن الجزائريين تخلوا عن دين المصريين.. الله يسامحك يا أحمد يا سليمان.. و بكدة ما نقدرش ندافع عن حسن شحاتة لما وكالات العالم كله قالت إنه بيختار لاعيبته على أساس تعصب دينى متطرف ..

------

إستدراك.. نبوءة .. و تحذير.

أتوقع من حكومتنا الرشيدة.. تمهيد الأجواء لإعادة السفير المصرى إلى الجزائر دون إعتذار الجزائر عن كل خطاياها فى حق شعبنا الجميل.. على الرغم من كل التصريحات العنجهية السابقة بأنه لا عودة للسفير إلا بعد إزالة أسباب سحبه.. و منها بالطبع إعتذار الجزائر رسميا عن كل ما حدث.. و إبقى إفتكروا...

هناك 4 تعليقات:

Unknown يقول...

يا تافه .....احد الكتب الدينية ....ده القرآن الكريم يا حقير ....ده فوق راسك وفوق راس العالم كله ..ده كتاب ربنا ....اكيد انت اما مجنون او ملحد فمش عارف وبتقول ...احد الكتب الدينية ....وامثالك للأسف كتيير ...اما عن تلويحه بالمصحف امام الكاميرا فهو بيقول ان تمسكنا بدينا وبطاعتنا لربنا سبحانه فقد سحقنا كلاب الجزائر سحقا مبينا ...والحمد لله رب العالمين ....ومصر وحسن شحاته والمنتخب مش محتاجة حد يدافع عنها قدام اي حد يا تافه ...احنا كبار وهنفضل كبار رغم انفك وانفهم

Egyptos يقول...
أزال المؤلف هذا التعليق.
Egyptos يقول...

Egyptos يقول...
الأخ Hyper
كلاب الجزائر من نفس الدين.. فهل نفهم من ذلك انهم لم يتمسكوا بدينهم ( اللى هو نفس الدين) و طاعة ربنا.. طيب لو كانت مصر خسرت و الجزائر هى اللى فازت ( وده كان وارد جدا.. مثلا لاعيبة الجزائر يستفزونا.. و ينطرد من عندنا 3 مش كانت الجزائر هى اللى فازت) .. لو ده اللى حصل ياترى برضه كنت ها تقول إن تمسكنا بدينا و طاعتنا لربنا سبحانه خلانا إتهزمنا.. يا ريت من كل قلبى ما نخلطش الأمور بالشكل ده.. دى مجرد رياضة مش دين.. و شكرا على تعليقك...

Egyptos يقول...

الجزائريين ينكرون هزيمتهم النكراء و يتهمون الحكم و ان مصر رشت الحكم و أن الحكام يجاملوا مصر عشان مقر الإتحاد الأفريقى فى مصر .. طيب ليه ما سألوش أنفسهم عن هزيمة الكاميرون مع وجود حياتو علي رأس الكاف؟‏!..‏
أو عن لوائح الفيفا اللى وصلتهم إلى لمونديال‏ أو لوائح الكاف اللى وصلتهم دور الثمانية فى نفس البطولة
-------