11.16.2006

عش بلا إنتماء تكسب.. إكره البلد تحبك



و الدليل على ما سبق بالعنوان هو الآتى


تزور أوراق رسمية عشان تهرب من الخدمة العسكرية؛ اللى يا ما ضحكوا علينا و قالولنا إنها خدمة الوطن و الولاء هاتكون مطرب مدعوم.. و تغنى فى إحتفالات أعز ذكرى للبلد.. و رغم إنك بتقضى العقوبة ها يدعموك و يسمحولك تغنى.. تامر حسنى
الخائن المدعوم
تتهرب من الخدمة العسكرية بالسفر لتركيا و تلعب و تكسب فلوس و تأخد الجنسية التركية عشان تهرب من الجيش و تعلن ده و ما تخبهوش.. يتم إستدعائك لتلعب فى المنتخب و تأخد فلوس كمان.. أيمن عبد العزيز .. لاعب الزمالك السابق.. نادى الخونة
تسافر الدانمارك.. تلعب هناك و تعلن أنك مش ها تلعب لمصر .. و تعلن كراهيتك للبلد .. و تسعى بشغف عشان الجنسية.. و برضه ميعبروكش.. تروح ألمانيا.. تلعب هناك .. يتم إسترضائك كى تلعب لمصر و يرفعوك النجم العال.. محمد زيدان
أوعى تقولى بقى حب البلد و لا خلى عندك إنتماء.. يا وجعى.. يا كبدى

هناك 4 تعليقات:

غير معرف يقول...

please stop blogging..you are horrible.
el masry affendi

Egyptos يقول...
أزال المؤلف هذا التعليق.
Nadine Alfred يقول...

اجيبتوس
كلامك جه عالجرح
انا كنت لسه بتعالج من الضغط و النظر
و الاتنين بسبب إنى شفت هيثم شاكر يومين بعد ما خرج من السجن كان بيغنى فى إحتفالات أكتوبر

يالهويييييييييييييييي
طالع من السجن بتهمة تعتبر خيانة فى حق الوطن و رايح يغنى قدام الناس فى مناسبة وطنية؟؟!!!!
أى تناقد هذا الذى يحدث؟؟
و أى عبث هذا الذى يجعل القائمين على الإحتفالات إنهم يختاروا هذا الشخص بالذات؟؟؟

بجد مش عارفة
افتكرت نظرى ضعف أو يمكن يخلق من الشبه 50
بس طلع هو هيثم شاكر

اجيبتوس
إستمر فى الكتابة
و اكتب ما تحب
سلام

Egyptos يقول...

نادين
شكرا مرتين
الأولى على مرورك
و الثانية على تشجيعك
و متهيألى غن البلوجة بتعتك جديدة ( نوفمبر 2006) عموما مبروك؛ و اكيد ها أطلع على البلوجة بتاعتك اللى باين عليها كووووووووووووووول