10.14.2007

الكل تعجرم مع نانسى عجرم

زى ما وعدتكم هنا صور و أغنيات نانسى عجرم بالغردقة فى عيد الفطر المبارك
أولاً إليكم الصور

و أول حاجة شكل الدعوة

نانسى توقع الإوتجرافات


نانسى 1

نانسى 2

نانسى 3


نانسى 4


نانسى 5

نانسى ترقص

نانسى تستعرض

نانسى تتعجرم

***************

و أخيراً إليكم الفيديوهات


video

لحظة ولوج نانسى إلى المسرح


video
كلمة الإفتتاح


video

شاطر شاطر

video

المصرى الله عليه ( The Egyptos )


video

مغــــرمـة

video

شخبط شخابيط

video

نـــار على نــــار

video

إستكمال ألذ غنية

video

الدنيا حلوة





إحساس جديد

video
قول تانى

video

وصلة رقص 1

video

وصلة رقص 2

video

أغنية مش كفاية

10.12.2007

تعديل برنامج الإخوان المسلمين... مزيد من الخداع و التمويه .. أى مزيد من التقية

لجنة برئاسة «حبيب» لمراجعة برنامج حزب الإخوان



مش عارف أقول أيه؛ يعنى هما اصحاب الطظ الشهيرة مصممين يستغفلونا و يدعوا انهم سياسيين و ديمقراطيين بجد؛ و يحاولوا يخدعونا.. بس أكيد هما فاهمين إن إحنا ( المصريين يعنى ) بجد سذج و هبل و بنصدق أى حاجة منهم ما دامت جات عن طريقهم و يسبقها قال القرآن و آل الرسول...

و السؤال هو فعلا فيه برنامج للإخوان؛ و لا الكلام اللى جمعوه بطريقة القص و اللزق و دسوا فيه سمومهم لدرجة إلغاء الدولة المدنية و إقامة دولة دينية ( بدعوى إنها ستكون دولة إسلامية مدنية !!!!!!!!!)؛ يبقى ده برنامج؛ و خصوصاً بقى إن مسودة البرنامج لا تنادي بالمبادئ الديمقراطية اللى يا ما صدعونا بيها وبالإيمان بها في بياناتهم وخطبهم السابقة ( الحقيقة مش الصقور منهم دا الحمائم الإعلامية بتاعتهم اللى هم أخطر من الصقور عشان بيمارسوا التقية علينا و بيستغفلونا بجد زى عصام العريان و شلته ) ؛

************************

و إزاى هما جماعة دينية و ليهم برنامج سياسى ولا هم جماعة سيادينية أو دينيسياسية ؛ أو سيادينية؛ معلهش يا جماعة العيب فى اللغة العربية اللى متعرفش تصيغ فيها كلمة تعبر عن رأيك؛ عكس اللغات التانية الحية و الفعالة بجد اللى ممكن تركب فيها اى كلمة من كلمتين او اكثر و يكون معناها واضح

************************

اللى بجد محيرنى بقى لو هم جماعة دينية ( وده اللى انا متأكد منه بس السؤال إستنكارى هنا)؛ ليه تاعبين نفسيهم و تاعبين الناس معاهم لصياغة برنامج سياسى ليهم.. و أيه دخل الناس ببرنامجهم


*************************

طيب لو هما حزب سياسى؛ أيه اللى يخلى حزب يخلى الناس اللى مش تبعه يصيغوله برنامج و ياخد راى الأغراب ( عن الحزب ييعنى ) فى برنامجه و يعرض عليهم اى على الأغراب مسودة البرنامج بتاعه عشان يشوفوا ايه رأيهم مع الإستعداد لتغييره يعنى الموضوع مش مسألة مبدأ ديمقراطى هما مؤمنين بيه دا موضوع كدة للضحك على الدقون أهه بناخد رأيكم يعنى إحنا بنستغفلكوم و بنعمل نفسنا ديمقراطيين.

*********************************

الخلاصة فى رأيى إنهم غلطوا غلطة عمرهم لآنهم بيحاولوا يظهروا عكس ما بيبطونوا كعادتهم لكن المرة دى ضدهم لأن ده فيه نوع من التخلى عن مبادئهم الأساسية ( حتى لو بانت إنها تقية من وجهة نظرهم)؛ لأنه لو إتغلبت أهدافهم التكتيكية (على مبدأ التقية الدينى لديهم)من اجل السياسة علي القيم المبدئية الدينية لأي جماعة سواء سياسية أو دينية،سيفقدون تأثيرهم المعنوي بحجة الدين على الغلابة من المصريين

---------------------------
عموماً إقروا بيقول أيه الأخ العريان بتاعهم فى المصرى اليوم إمبارح...
كشف الدكتور عصام العريان، القيادي البارز بجماعة الإخوان المسلمين، عن قيام الجماعة بتشكيل لجنة برئاسة النائب الأول للمرشد الدكتور محمد حبيب، لمراجعة برنامج الحزب وإدخال التعديلات اللازمة عليه، وفقاً للتعليقات التي ترد للجماعة من المفكرين الذين تم إرسال البرنامج لهم.
وقال العريان في تصريحات خاصة لـ «المصري اليوم» إن إرسال البرنامج لنحو ٥٠ مفكراً مع بداية شهر رمضان أدي إلي تأخر ورود بعض الردود، بسبب ظروف الشهر الكريم، وأضاف: «النسخة المعدلة سوف تظهر في غضون فترة تتراوح بين أسبوعين وأربعة أسابيع من وصول جميع الردود إلي الجماعة».
وحول رؤيته لبعض بنود البرنامج التي أثارت ردود فعل معارضة له، قال العريان إن الإخوان طرحوا البرنامج بغرض القراءة الأولي وليس كنسخة نهائية، وقطعاً ستكون هناك مراجعة، وسيتم النظر إلي كل هذه الانتقادات بعين الاعتبار، واعترف العريان بوجود التباس شديد في الصياغة، أدي إلي هذا الصخب الشديد، خاصة فيما يتعلق بالمادة الخاصة بتشكيل «لجنة أو مجلس أعلي من الفقهاء»، فالمشكلة ليست في وجود الهيئة، لكن المشكلة أن تركيز الناس عليها صرف نظرهم عن باقي البرنامج، وهي في حد ذاتها اجتهاد جديد علي غرار لجنة الفتوي والتشريع الموجودة في مجلس الدولة.

كل عام و إنتى بخير و حب يا مصر

كل عام و أنت و مصر كلها بحب و خير بمناسبة عيد الفطر المبارك







و على فكرة بيقولوا نانسى عجرم ها تعمل حفلة هائلة لأصحاب الفيلات بقرية الجونة بالغردقة؛ ربنا يقدرنا و نجيبلكم صورها فى الحفلة