إنفد بجلدك يا مستر كرول

لعيبة الزمالك خلاص كملوا طريق الضياع؛ بعد ما أوهموا الناس و ملأوا الدنيا ضجيجاً بأن هذا الموسم سيختلف و انهم راجعين تانى؛ وأنهم سيحصلون على الدورى و... إلخ

لكن الحقيقة هم ما لهموش فى الكورة غير الشهرة و الهبر و معاهم إدارة زى كل إدارات الزمالك؛ و أيه السبب يعنى اللى يخلى الإدارة دى تختلف هم مش من نفس ناس الزمالك و الطينة من العجينة يفرق ايه زيد عن عبيد فى الزمالك؛ الكل غاوى تلميع و شهرة و هبر و بس

و عشان كدة بأقول للمستر كرول؛ إللى باين عليه راجل محترم ؛ إنفد بجلدك و إلحق قبل ما يتنمردوا عليك؛ و أهه الدليل اللى بيحصل من لعيبة النادى اللى ميعرفوش غير الخناق و الضرب فى بعض بدل ما يضربوا الكورة و بيجروا وراء الإعلام بدل ما يجروا و را الكورة؛ و آخرتها بعد ما حاولت تجامل اللعيب اللى بيدعى أنه كبير اللى إسمه حازم إمام؛ ملأ الدنيا صراخ و جرى وراء الهتيفة بتوعه و بتوع أبوه فى الجرايد .. ليه وليه كرول ملعبوش الماتش بتاع طلائع الجيش؛ وقال يعنى كان ها يجيب الديب من ديله؛ و خناقات اللعيبة فى الملعب على مين يشوط؛ و كل واحد فيهم عامل فيها نجم و ما بيلعبش الا مع نفسه و راجعوا الماتش و شوفوا جمال و عمرو و الأخ طارق السيد؛ كل واحد يمسك الكورة و هات يا جرى و متهيأله هايجرى الملعب كله و يرقص و محدش ها يوقفه و يجيب الجون بعد ما يدخل المرمى بالكورة و عايش فى دور إن الصحافة ها تمدح فى جونه اللى جابه بمجهود فردى و إن لولاه لضاع الزمالك؛ و النتيجة إن الزمالك ضاع بجد و مفيش حد فيهم عمل أى حاجة؛ ومن الأدلة تدخل الإدارة و كتر كلامها فى الجرايد و الفضائيات للشهرة بدون فعل حقيقى ينفع النادى

عشان كدة بأقولك يا مستر كرول إنفد بجلدك؛ و إحترم نفسك زى الراجل العقر اللى فهم خلال ستة شهور إن ده نادى و دى لعيبة حرام إنه يضحى بتاريخه معاهم؛ و فضل إنه يتقال عليه إنه إن غدر بيهم على غنه يضحى بتاريخه مع هكذا نادى و هكذا لعيبة؛ و أعتقد إنهم بيقول عليها إنه غدر بيهم فى جرايدنا بس؛ و الحقيقة إنهم عاجزين عن مطالبته بشئ لأن كان واضح وصريح معاهم لكنهم هما اللى بيضحكوا علينا و الله اعلم إذا كان الإعلام بيضحك علينا معاهم و لا بينضحك عليه منهم زيينا

**************

حاشية : أعتقد إن المستر كرول.. متخصص فى البدنى؛ لكن الراجل طموح أو عنده عقدة نفسه موت يبقى مدير فنى و يأخد اللقب و مش لاقى غير مصر تجيبه مديرفنى سواء الزمالك او المنتخب؛ و الدليل إن كل حاجة شفناهفيها مع أى فرق أوربية أو حتى أفريقية كان مدرب عام مع مدير فنى آخر

كل عام و أنتم بخير و حب

كل عام و أنتم بخير و محبة و سلام

مبارك حلول شهر رمضان

يللا بقى ركزوا فى الصيام دلوقتى

و بعدين نبقى نعزمكم فى العيد ع المكان الحلو ده

و هناك نرحب بيكم

و تلعبوا و تهيصوا

و نفرجكم على ناس زى دى

و لو حد عايز ييجى و يجيب العيلة دى معاه مفيش مانع

برضه ها نقولكم و نقولهم

رمضان كريم

جريدة المصريون و إدعاءات كاذبة

جريدة المصريون الإلكترونية الإخوانجية لا تكف عن الأكاذيب؛ و يرفضون التعليقات التى لا تشيد و لا تؤيد كذبهم و إفكهم؛ و كنت نشرت تعليقا عن موضوع لهم و لم يستجيبوا للطلب و لم ينشروا التعليق حتى؛ و هاكم الخبر و التعليق

***********

هذا ما جاء بخبركم

المصريون تنفرد بنشر النص الكامل الذي كتبه الشاب "المتنصر" بخط يده

كتب طارق قاسم (المصريون) : بتاريخ 5 - 8 - 2007

(أحبائي في الله وإخوتي في حب رسول الله (ص)،إن ما سوف أرويه لكم من أحداث هو احد أصعب مفردات واقع أليم تعيش فيه أمة قال الله عز وجل عنها أنها "خير أمة أخرجت للناس" إن الوقائع التي سوف أسردها لكم لم تحدث في أوروبا أو أميركا أو إسرائيل أو غيرها من أماكن الكفر التي تعج بالسفاحين والتي ما تزال أيادي أهلها ملوثة بدماء المسلمين)لم تكن تلك الكلمات المفعمة بالإيمان والجزع لأحوال الأمة الإسلامية جزءا من خطبة لأحد الشيوخ المشهورين أو أي من الدعاة الإسلاميين المعروفين ...لكنها سطور كتبها بخط يده "محمد حجازي" الشاب الذي تناقلت الصحف يوم السبت من هذا الأسبوع أخبار تنصيره هو وزوجته .هذه السطور كتبها محمد حجازي منذ شهور قليلة فقط أثناء إقامته في احد المنازل بالمطرية اكتشف أنه أحد مراكز شبكة تنصير واسعة تنتشر فروعها في عدة محافظات بمصر وهي سطور تكذب ما ادعاه محامي حجازي (ممدوح نخلة )وحجازي نفسه لبرنامج "العاشرة مساء" الذي أذيع على قناة دريم الفضائية مساء السبت ...والمصريون تواصل اليوم سرد أدق أسرار قصة محمد حجازي ...حجازي الذي زعم أنه تنصر من عمر السادسة عشرة كان في ذلك الوقت حسبما حكي هو بنفسه لكاتب هذه السطور على اتصال بأفراد من جماعة التبليغ والدعوة التي تعمل في حقل الدعوة الاسلامية في بورسعيد مسقط رأسه ومحل إقامته .أيضا فإن حجازي لم يذكر الحقيقة عندما قال أن سر تكتمه لخبر تنصيره منذ تسعة أعوام هو التقاليد الأسرية المصرية التي تصادر حق الإنسان في تغيير ديانته ...بينما الحقيقة أن حجازي بدأ منذ عمر الثامنة عشرة تقريبا في الانخراط في صفوف الاشتراكيين وكان قد ألف ديوانا شعريا اعتقل بسببه في حوالي العام 1999 بسجن مزرعة طرة وكان رفاقه في المعتقل قياديين بجماعة( الإخوان المسلمين )من بينهم المحامي الإسلامي مختار نوح والقيادي الإخواني علي عبد الفتاح .وعن القيود الأسرية التي قال حجازي أنها كانت تمنعه من إشهار اعتناقه للمسيحية بحسب زعمه فقد كنت أعرف ـ أنا كاتب هذه السطور ـ بحكم صداقتي لحجازي أن أسرته لم يكن غضبها بسبب نشاطه السياسي يتجاوز حدود المشكلات الأسرية الصغيرة بسبب خوف الأسرة على ابنها خصوصا وان له تجربة اعتقال سابقة لكن في الوقت نفسه كان والده ينفق عليه ويمنحه الأموال اللازمة للحضور للقاهرة لحضور الندوات الفنية والثقافية .والمصريون تنفرد اليوم بنشر أجزاء من مذكرات كتبها حجازي بخط يده بلهجة كلها عاطفة جياشة وخوف على الإسلام والمسلمين وتحذير لهم من حملات التنصير .وفي هذه الأوراق يحكي حجازي بالتفاصيل والأسماء والعناوين عن شبكة التنصير التي بدأت قصته معها على يد شخص اسمه بيتر قابله عندما كان يستريح مع زوجته على مقهى الندوة الثقافية بوسط القاهرة بعد مشوار طويل مرهق من البحث عن سكن ...والمصريون تحتفظ بتفاصيل شبكة التنصير وأسماء القائمين عليها في مصر بحسب ما حكي حجازي في أوراقه ومستعدة للإدلاء بما لديها لأي جهة تحقيق تهتم بهذا الموضوع خصوصا و أن حجازي ذكر في أوراقه نقلا عن أعضاء شبكة التنصير أنهم يدفعون رشاوى لضباط في مؤسسة أمنية رفيعة تتبع وزارة الداخلية.ويقول محمد حجازي في أوراقه التي تحتفظ المصريون بنسخة منها:"(أحبائي في الله وإخوتي في حب رسول الله (ص)،إن ما سوف أرويه لكم من أحداث هو احد أصعب مفردات واقع أليم تعيش فيه أمة قال الله عز وجل عنها أنها "خير أمة أخرجت للناس" إن الوقائع التي سوف أسردها لكم لم تحدث في أوروبا أو أميركا أو إسرائيل أو غيرها من أماكن الكفر التي تعج بالسفاحين والتي ما تزال أيادي أهلها ملوثة بدماء المسلمين وحلوقهم تنضح نتانة تدل على مدى كراهيتهم للرسول الكريم .بل حدث ذلك ويحدث في بلد يقال عنها أنها بلد إسلامية وأن أهلها مسلمون !!!كذلك لم يكن زمن الأحداث هو العصر الجاهلي ولا الفرعوني ولا حتى العصر البدائي إنه للأسف عصرنا هذا عصر تعدى فيه الأراذل كل أصول وتطاول فيه التافهون على الرسول نعم في مصر وفي هذا الوقت .يسب الرسول في بلد عمرو بن العاص وتجبر فتيات المسلمين القصر على التنصير وترك دينهم الحنيف بل ويداس المصحف ويدنس تحت أقدام مرتدين وصليبيين لعناء !!!أراكم لا تصدقون وتفتحون أفواهكم في ذهول من هول ما تسمعون أراني الآن مضطر إلى سرد ما حدث ويحدث بكل أمانة وإن كنت أرى القلم يرتعش والورق لا يستطيع أن يتحمل أن يحمل سرد ما يحدث من كفر وسفالة الصليبيين في مصرنا العربية الإسلامية أخشى أن نقول يوما العربية سابقا أو الإسلامية قبل هوان المسلمين واستسلامهم ولكن هيهات فالله غالب ولا يقدر على عبيده كافر وإليكم ما يحدث حتى تفيقوا يا خير جند الله والله المستعان :ـ بدأت أحداث القصة أقصد المأساة عندما كنت ابحث أنا وزوجتي عن مكان لنسكن فيه وقد شاء المولى (عز وجل) أن تكون ظروفنا في هذه الفترة في غاية الصعوبة زوجين بلا مسكن ثابت ضاعت كل نقودنا في الفنادق والأوتيلات وأصبح الحصول على سكن ثابت ضرورة ملحة ولكن من أين لنا أن نستأجر شقة وليس لدينا نقود حتى ندفعها كمقدم لهذه الشقة ؟!!!وهذا كانت البداية في أحد أيام البحث عن السكن جلست أنا وزوجتي نستريح على كافيتريا "الندوة الثقافية" بوسط البلد والتي شاءت الظروف أن تكون بها في هذا اليوم ندوة الأديب الكبير "علاء الأسواني"استمتعنا بالندوة وأكملنا جلستنا على الكافيتريا ويبدو أن حديثنا عن صعوبة حصولنا على مسكن لفت انتباه أحد الجالسين بجواري فاقترب مني وعرفني بنفسه =اسمي بيترـ وأنا محمد =أسف لقد لفت نطري حديثكم وعندي حل لمشكلتكم ـ كيف؟=عندي ناس قرايبي عندهم شقة فاضية في العمارة ـ لكن أنا مش معايا فلوس مقدم=ما يهمكش هي بدون مقدم بس هتدفع 200 جنيه مش اكتر وزيهم كل شهر متشيلش هم أنا هحاول اتصرف فيهم وارد عليك ولا يهمك أنا هسلفهملك وابقى ردهوملي بالتأكيد تعجبت من موقفه هذا وقلت في سري أي مصلحة يريد مني ؟!!صدقوني لم استطع أن أحصل على إجابة اصطحبني في توه أنا وزوجتي لمنزل أقربائه (كما كان يدعى ) وبدأت الأمور تتكشف شقة على السطوح في منزل يقع في المطرية بمنطقة الرشاح بجوار محل للعب الأطفال ومنذ البداية لاحظت أنا وزوجتي الأتي :المنطقة تعج بالنصارى بطريقة مثيرة للتساؤل كل الساكنين في العمارة التي سكنا فيها والعمارة التي بجوارها مسيحيون !!بدأ صاحب البيت وزوجته وكل سكان العمارة بمقابلتنا مقابلة شديدة الحفاوة بل بادروا باستعدادهم لمساعدتنا في أي احتياج لنا بل إنهم جاءوا إلى بعمل في قناة فضائية؟؟وكان هذا هو العسل الذي دسوا فيه السم لنا بل ويدسونه لكثير من المسلمين فقد اكتشفنا أن صاحب العمارة وأسرته والساكنين بها يعملون في مجال التبشير وتنصير المسلمين هنا تذكرت السؤال:ما مصلحة بيتر هذا في مساعدتي أنا وزوجتي؟ يريدون تنصيرنا أيضا .كارثة والكارثة الأكبر أنني اكتشفت أن كثير من سكان العمارة كانوا مسلمين وقد تم تنصيرهم أسر بالكامل يتركوا الإسلام وارتدوا إلى الوثنية الصليبية لقد صعقنا أنا وزوجتي حين علمنا غرضهم من ضيافتنا حاولوا التهدئة من روعنا قائلين لنا أن كثيرا من المسلمين والمسلمات يدخلون الدين المسيحي كذبتهم وعرفوني على كثير من السكان ومن هم غير السكان من المسلمين الذين تنصروا والذين يأتوا لزيارتهم .)بعد ذلك وفي جزء آخر من أوراقه يحكي محمد حجازي تفاصيل اهانات للقران الكريم وقعت في أحد مؤتمرات المنصرين الذين احتك بهم:(وقف بوب وبيتر قائلين لمجموعتهم أن الإسلام في مصر سوف يسقط بفضل صلاواتهم كما سقطت أسرار أريحا عندما دار اليهود حولها وصلوا للرب فسقطت وأخذ بيتر مصحفا ووضعه على الأرض في منتصف القاعة ثم بصق بوب على المصحف وداس عليه وأخذ الجميع يلفون في دائرة حوله مرددين ترنيمة تقول :"ومهما تكوني حصينة راح تقعي يا أسوار ومهما تكون قدراتك واثقين في يسوع البار"تحدث المؤتمر عن كيفية التغلب على الإسلام كعقبة تقف في طريق التنصير في مصر .حدث هذا وخير جند الأرض مشغولين بملاحقة الغيورين على الإسلام والقابضين على الجمر وحسبنا الله ونعم الوكيل إخواني المسلمون في بلد عمرو بن العاص في بلد الأزهر والحسين كيف نسكت على كل هذا ونحن مسلمون كيف يهان رسولنا على أرضنا من أراذل القوم ونحن موحدون كيف يخطفون فتياتنا ونحن صامتون )والله لا نصمت والله لا نصمت والله لا نصمت بايعوني على الموت فبؤس حياة هي حياة المهانة والله غالب وهم مهزومون والله أكبر )نكرر لمجرد التأكيد :هذا الكلام نقل حرفي عما ورد في أوراق بحوزة (المصريون) كتبها محمد حجازي بخط يده.

و كان تعليقى
فهل نطمع فى رؤية صورة زنكوغرافية للأوراق التى بحوزتكم بخط يد محمد حجازى

************************************************

بالطبع كما هو متوقع ؛ لم ينشروا التعليق و كذلك لم يردوا بإظهار أية صور لأية اوراق تم الإدعاء البين بأنها فى حوزتهم.

أحلام التوريث و عدمه

أثار حفيظتى وإفتكرت اللى فات بسبب حاجتين قريتهم فى نفس اليوم الأربعاء اول أغسطس 2007

********************************

الأول كان حوار فى جريدة المصرى اليوم هنا فى حوار مع عضو القيادى فى الجماعة الإسلامية سابقا أسامة بيه رشدى ؛ قال فيه لا فض فوه الآتى:؛

المحرر :-* ولكن الواقع يختلف تماماً عما تقول.. فهناك إعداد منظم لفكرة الخلافة؟

أسامة بيه رشدى:- موضوع الخلافة أمر صعب قبوله وتمريره، وهذا هو مأزق النظام
المحرر:-* ولكن حزمة التعديلات الدستورية تقول عكس ذلك

أسامة بيه رشدى:- أفهم من التعديلات الدستورية أن النظام يرغب في التوريث، ولكنني أشك في أن تتحقق كل هذه الرغبات
المحرر:-* وما الموانع لإتمام هذه الفكرة؟

أسامة بيه رشدى:- أري أن هناك الكثير من الموانع يدركها النظام جيداً، لأن مصر ليست تكية لتورث بهذه الطريقة، وبالتالي أعتقد أن مصر مقبلة علي التغيير، وقد يكون إصرار النظام علي التوريث في مقابل رغبة الشعب في التغيير لحظة حاسمة لإفراز شيء جديد؛ إهـ

********************************

الثانى بقى فى جريدة المساء فى عدد الأربعاء اول أغسطس 2007 و هذا نصه
لأول مرة.. بوزارة العدل:تعيين 1300 من أبناء العاملين والقضاة الّكشوف اليوم في 22 محكمة ابتدائية بالمحافظات

كتب جمال إمبابي:؛

اعتمد المستشار ممدوح مرعي وزير العدل قرارات تعيين لعدد 1300 من أبناء العاملين والمستشارين والقضاة من الحاصلين علي مؤهلات عليا ومتوسطة وفوق متوسطة من بينهم 45 حالة معاقين في سابقة لم تشهدها وزارة العدل من قبل. تعلن أسماء المعينين اليوم بمقار المحاكم الابتدائية بمختلف محافظات مصر وعددها 22 محكمة حيث أرسل المستشار محمد منيع مساعد الوزير لشئون المحاكم الكشوف إلي رؤساء المحاكم في وقت متأخر الليلة الماضية.. وكان الوزير قد أصدر تعليماته بإرسال خطابات لرؤساء المحاكم الابتدائية بالتركيز علي أبناء العاملين الذين لم يسبق لهم تعيين أبناء من قبل.. علمت "المساء" أن نسبة تعيين المؤهلات المتوسطة وفوق المتوسطة بلغت 70%بينما جاءت المؤهلات العليا بنسبة 30% من بين المعينين. اهـ ( مش فارق فى موضوعنا إذا كانت رشوة ولا لأ ؛ عشان القلق اللى جارى بين الوزير و نادى القضاة اللى مسيطر عليه المحظورة )؛

********************************

نبتدى بالثانى؛ من زمان قوى و أنا لسة فى الجامعة إسترعى إنتباهى حكاية التوريث فى الوظايف بالشركات و خصوصا فى الشركات اللى بتعتبر من اعلى الشركات من حيث مستوى دخل الموظفين؛ و إستنتجت ده من مجلات وقعت فى إيدى من بعض الزملاء من شركة الإتصالات قبل ما تبقى شركة كمان؛ و بعدها بقليل من السنين؛ لاحظت هجمة فى تعيينات التليفزيون بتعيين ابناء المسئولين فيه ؛ و لهم الأولوية فى البرامج المميزة و رغم عدم كفائتهم المهنية أو عدم وجود القبول المطلوب فى هكذا وظائف؛ و بعدها هجمة على مسلسلات رمضان بحشر أبناء الممثلين و المخرجين و المؤلفين فى مسلسلات أبائهم خاصة المعروضة فى أوقات ذروة المشاهدة؛ المهم كتمت حسرتى و معرفتش البلد رايحة على فين؛ و إعتبرته مجرد فساد و إستغلال نفوذ؛ فى ظل إنعدام الفرص للشباب الغلابة أمثالى؛ بعدها بشوية بدأ السيد المبجل جمال مبارك فى الظهور ؛ ومن كتر تأثرى بهكذا عملية التوريث فى الفن أرسلت رسالة فى بريد صوت الأمة أيام عادل حمودة تمنيت فيها أن يتبنانى عمر الشريف و أن يكون إسمى الفنى ( ماجد الشريف) بعد ان سبقه تمهيد بترويج الإشاعات؛ و إختلاق قضية ضد أحد الصحفيين العرب و كسبها لصالحه هو و أخيه؛ و بعد شوية بدأ طوفان ما يسمى بالجرائد المستقلة ( من وجهة نظرى أنها تؤدى أغراض لجهات معينة وليست مستقلة فعلا)؛ و مع بدايتها بدأ التلميع بطريقتين الأولى: إيجابية تعتمد فى أغلبها على النفاق و ده كان و ما زال فى وسائل الإعلام الرسمى و فى دوائر الحزب الرسمية؛ و الثانية : سلبية و اعنى بها التركيز على اخباره و أفعاله وكل تصرفاته و إبرازها فى شكل إنتقاد و كأنهم ضده و الحقيقة هى طريقة إلحاح لإثبات التواجد و التأثير و جعل الجمهور يتعود عليه وكأنه البلد بها ديمقراطية حقيقة تسمح حتى بنقد إبن السيد الريس؛ و هيلا هوب طلعتلنا البلوجات ( المدونات ) و طبعا لازم ينزب السيد المبجل جانب منها سواء معه أو ضده؛ و بصراحة أنا معه لأسباب حاولت شرحها هنا ومش عارف وصلت رأيى ولا لأ

********************************

طبعا الموضوع التانى بتاع وزارة العدل بالإضافة إلى ما به من شبهة الرشوة للقضاة؛ فإنه يؤكد على ما ذهبت إليه سابقا؛ و لكن اللى يفقع مرارتى إن الأخ الإرهابى السابق أسامة بيه رشدى جاى يغظينى و يقول إنهم مش ها يقدروا ؛ يا عم كفاية فنجرة بق و فتحة صدر؛ يا بنى هو إحنا نقدر نستغنى

و بمناسبة هذه البلوجاية فإنى أهنا السيد جمال مبارك على عقد قرانه بالسيدة خديجة الجمال؛ و لو التهنئة متأخرة كام شهر بس غصب عنى ظروفى كانت وحشة شويتين؛ و هو تهنئة متأخرة أحسن من مفيش خالص

سقطة جديدة لفضيلة المفتى على جمعة

هنا نقلا عن المصرى اليوم يكذب المفتى او المسئول الإعلامى عنه و ايضا يتضح الإزدواجية او مبدأ الكذب للتقية و إختلاف الحديث بالداخل المسلم عن الحديث الموجه للخارج الغير مسلم
و راجعت المصادر و كسبت المصرى اليوم
و أدى النص الإنجليزى فى الواشنطن بوست
http://newsweek.washingtonpost.com/
onfaith/muslims_speak_out/2007/07/sheikh_ali_gomah.html
و هذه الترجمة من جووجل
http://www.google.com/translate?u=http%3A%2F%2Fnewsweek.washingtonpost.com%2Fonfaith%2Fmuslims_speak_out%2F2007%2F07%2Fsheikh_ali_gomah.html&langpair=en%7Car&hl=en&ie=UTF8
فهو بالداخل ينفى أن المسلم من حقه أن يختار دينا آخر؛ و فى الخارج يدعى عكس ذلك أى أنه يدعى ان من حق المسلم أن يغير دينه
فأي الرأيين نصدق

فى أول أيام عيد الأضحى.. كل سنة و أنت طيبين

كل سنة و الجميع بخير؛ و يا ريت بقى كل واحد ما ينساش يعمل حسابى فى لحمة الخروف؛ مش ها أقبل أعذار؛ و مش ها أسامح اللى ينسانى

**********

فى العيد دايما كنا و إحنا صغيرين متعودين نروح المكان الجميل ده

؛ و هو المكان الوحيد للترفيه؛ لكن دلوقتى الواحد بيروح وسط البلد يخطف رجله بسرعة و يرجع؛ لكن عشان تتعرفوا عليه بقى؛ و بالمرة تعرفوا جزء من تاريخ بلدكم الجميل؛ اللى دايما احنا كلنا ناسيينه؛ و عمال نتخانق ع الحاضر المتخلف( هس إحنا فى العيد مش وقت وجع دماغ و مواعظ)؛

المهم التاريخ أهه

و لو عايزينه مترجم برضه أهه

و كمان ممكن تقرا ده

و لو عايزينه مترجم برضه أهه

و ممكن كمان تشوفوا الحاجات دى

http://www.bbc.co.uk/history/ancient/egyptians/pyramid_gallery_04.shtml

و ده

http://ar.wikipedia.org/wiki/ميدوم

و كمان ده

http://www.coptichistory.org/new_page_2.htm

و كمان ده

http://wikimapia.org/1546376/

و كمان ده

http://www.eternalegypt.org/

و كمان ده

http://wikimapia.org/1473551/

و كفاية عليكم كدة بقى فى العيد؛ بس ما الاقيش حد عاملى هيصة ع التحرش فى وسط البلد الليلة ولا بكرة يعنى

كل عام و مصر و أنتم بخير

كل عام و مصر كلها بخير و سعادة مسلميها و أقباطها؛ و السنة الجاية يا رب يكون آخر سنة فى عمرهم اللى فى بالى يارب

**********
الأقباط: كل سنة و هم طيبين للكريسماس و رأس السنة و عيد الميلاد المجيد


**********
المسلمين: كل سنة و هم طيبين بعيد الأضحى المبارك؛ و ممكن برضه رأس السنة و عيد الميلاد المجيد اللى بيكون اجازة يعنى

عن مصر و الإخوان المسلمون

إذا كان الله إبتلى مصر بجماعة الإخوان المسلمين فى بدايات القرن الفائت و تحديدا فى 1928؛ فإنه قد إبتلى الإخوان المسلمين و بالتالى إبتلى مصر المبتلية سابقا بالمضلل العام هذا المهدى عاكف

نكتفى الان بالعناوين و سنعاود الموضوع بعد الفاصل ( الفاصل اللى ها تشفووه فى البوست التالى)؛

تحذير لمستخدمى برنامج word2003

هذا الموضوع منقول عن موقع الـ

www.BBCarabic.com

خطر ثلاثي يهدد مستخدمي برنامج "وورد"
أعلنت شركة مايكروسوفت أن قراصنة الكمبيوتر يعدون ثلاثة فيروسات لإدماجها في مستندات برنامج "وورد" بقصد إلحاق الضرر بأجهزة حواسيب المستخدمين، وهو ما يستدعي أخذ الحيطة.
وتم اكتشاف تلك الفيروسات الثلاث منذ بضعة أسابيع، بينما يستخدم قراصنة المعلومات اثنين منها بالفعل.
وتتيح الثغرات التي اكتشفت لهؤلاء القراصنة إيجاد مستندات "ملغومة" إذا جاز التعبير، تعمل على سرقة المعلومات أو أخذ زمام التحكم بالحاسوب، عند فتحها.
ومن المنتظر أن تقوم مايكروسوفت بإصدار ملحقات برمجية لسد الثغرات في برنامج "وورد" حيث تقوم الآن بفحصها ومسبباتها. شكل الهجوم
وجاء إعلان الشركة عن تلك الثغرات الأمنية في برنامج وورد بعد عدة أيام فقط من إصدارها لآخر تحديث أمني.
وخلال العام الماضي عمد قراصنة الحاسوب إلى إطلاق شيفرة بعيد كل مرة تقوم فيها مايكروسوفت بإجراء تحديث أمني شهري اعتيادي، وذلك لكي تسنح لهم فرصة أكبر في استخدام تلك الشيفرة قبل إصدار الشركة ملحقا لسد الثغرة.
ورغم أن الثغرة الأمنية في برنامج وورد تتركز على طريقة وصف التعامل مع شكل المعلومات، إلا أن برامج الحماية من الفيروسات مثل "سيمانتيك" و"ماك كافي" أكدت أن بالإمكان استغلالها.
وهذه الثغرة تضاف إلى ثغرتين سابقتين اكتشفتهما مايكروسوفت تقول إن القراصنة يستخدمونهما بالفعل لكن "بشكل محدود وموجه".
وتنصح الشركة المستخدمين بالحرص الشديد حتى لا يقعوا ضحايا للقراصنة الذين يستغلون هذه الثغرات وتقول "إن أفضل وسيلة هي عدم فتح أي ملحق غير مطلوب يأتي مع رسالة سواء كان المصدر معروفا أم غير معروف.
وتم اكتشاف المستندات الخبيثة التي تحوي أحد تلك الفيروسات في مطلع الشهر الحالي في رسائل غير مرغوب فيها أرسلت إلى شركات في قارة آسيا.
وتم اكتشاف الثغرات الأمنية الثلاثة في برنامج "وورد" إصدارات 2000، و2002، و 2003، و "وورد فيو وار" 2003، "وورد" 2004 الخاص بأجهزة "ماك"، و"وورد في إكس" الخاص بـ"ماك"، و برنامج "ووركس" 2004، و2005، و 2006.
وتقول مايكروسوفت إن المستخدم لا يمكن أن يقع ضحية لأي من تلك الفيروسات الثلاث إلا إذا تلقى أولا مستند وورد "ملغوما" ثم فتحه ثانيا.
موضوع من BBCArabic.comhttp://news.bbc.co.uk/go/pr/fr/-/hi/arabic/sci_tech/newsid_6198000/6198909.stmمنشور 2006/12/21 03:16:57 GMT© BBC MMVI

مؤامرات اللعيبة الزملكاوية

أنا أهلاوى جداااااااااااااا.. بس الموضوع بصراحة ينرفز

...

...

...

من كام يوم عرفت إن الأخ حلمى طولان رفض تدريب نادى الإسماعيلى؛ و عمل فيها خضرة الشريفة؛ بس لما سمعته حسيت إن الموضوع مش موضوع خضرة ولا حاجة لكن فيه سر بس مش باين للغلابة أمثالى؛ المهم امبارح و انا بتفرج على ماتش الزمالك و المصرى حسيت إن اللعيبة مش طبيعية و مش ممكن لعيب عنده ذرة إحساس بالمسئولية تكون دى حالته؛ و بعدين يا سيدى و انا بتفرج على الأخ اللى يفرس أحمد شوبير؛ هناك فى العزبة بتاعته اللى اسمها دريم؛ كان ايه مستضيف الخضرة الشريفة؛ قصدى حلمى طولان؛ قال ايه عملوا تمثيلية سوا إن كل مجلس الإدارة كله بيدور على الأخ طولان؛ و اللى بلغهم الأخ الصحفى (برضه ) اسمه أسامة مش عارف مين الزملكاوى حتى النخاع؛ و الأخ شوبير و كأنه عمل سبق كبير؛ إختراع يعنى؛ فى برنامجه ( مع إنه مش هو اللى كشف الموضوع) لكن تقول أيه؛ المهم الشوبير الهمام عمل فيها عنتر و إدى أمر للطولان أنه يفتح موبايله مع ان ده مش من مبادؤه لكن أهه أمره لله بقى عشان السبق؛ و الأخ الطولانى إدعى إنه إتفاجآ ( و كان باين الإدعاء قوى و عمل فيها إنه مش عارف يقول أيه مع إنه ها يموت عليها). المهم إتضحلى ساعتها هو ليه ما وافقش على عرض الإسماعيلى بالرغم إنه عاطل؛ خالى شغل يعنى؛ قاعد فى البيت يعنى؛ و إكتملت فى ذهنى و أمام ناظرى ( حلوة ناظرى دى ) أتاريه مظبط نفسه مع مجلس الإدارة و اللعيبة إنهم يتأمروا و يتغلبوا من المصرى التعبان قوى السنادى عشان يطفشوا المدرب الأهبل اللى مش عارف هو إزاى كان متقبل يشتغل فى الجو المقرف فى نادى المؤامرات ده و على فكرة دى مش أول مرة اللعيبة تتأمر بس المفاجأة إنه المرادى مش الخبيث فاروق جعفر دا المرادى الأخ الطولانى؛ و دمتم و دام نادى الزمالك خرابة كدة

الخبر الأصلى أهه

مش قلتلكم الإخوان ناويين على خرابها

http://www.almasry-alyoum.com/article.aspx?ArticleID=40525

http://www.almasry-alyoum.com/article.aspx?ArticleID=40549

يارب حوش .. يارب حوش ...

يارب بلدنا مصر ما تستاهلش .. يارب حوش يارب حوش

عن الأستاذ / حمدى رزق و جريدة المصر ى اليوم

إقرأ التالى

صامدون.. صامدون

كان العرض الذي ينذر بخراب مصر، وبذبح شبابها، وتناحر فصائلها، ينقص طلعة المرشد البهية، ولما عرفت أسباب الغياب، انداح المقنّعون يعوضونه بعروض رياضية، وفنون عسكرية، تعلموها في المعسكرات الكشفية، وبرعوا في حركات بهلوانية، خفافا سراعا، وأتوا مهارات قتالية لم يكن ينقصها إلا السلاح وهذا سهل وميسور.
في انتظار العملية الاستشهادية الأولي ضد النظام المصري المحتل، أطلقت جماعة الإخوان «المحظورة» أولي كتائبها الاستشهادية في موقع يتوسط جامعة الأزهر الإسلامية،
واستعرض الاستشهاديون المقّنعون بلباسهم الأسود، مهاراتهم القتالية في الكاراتية والكنغ فو، وتعالت صيحاتهم مهددة بالويل والثبور للمتعاونين مع الاحتلال في شخص رئيس الجامعة الدكتور أحمد الطيب.
وقد أحاطت قوات الاحتلال المصري منطقة التدريبات الاستشهادية، ولم تقو علي الاشتباك، لارتفاع مستوي التأهيل القتالي للكتيبة الإخوانية،
واكتفت بحماية مدرجات وأسوارالجامعة الأزهرية العتيقة، وكفلت خروجا آمنا لرئيس الجامعة الذي كان قد أعلن تحديه ميليشيات الجماعة المعروفة بكتائب «صامدون» الجناح العسكري لاتحاد طلاب الإخوان الحر..
لو فيه إخواني واحد عنده حبة خردل من خوف علي هذا البلد مانام ولا استرخي له جفن، ولا ارتاح علي جنبه وهو يري ميليشيا إخوانية علي الطريقة الفلسطينية تهدد زملاءها وأساتذتها، وتستعرض جهاديتها في قلب جامعة الأزهر قبالة مكتب الرئيس الطيب.
ولو فيه إخواني واحد يخاف ربنا، وعنده مثقال ذرة من الخشية علي أمن وأمان هذا البلد، لما طاب له طعام أو شراب وهو يمعن في صور فتيان الإخوان وهم يستعرضون ألعاب القتال في معهد درس وعلم، ويهددون ويتوعدون من نقف له تبجيلا كاد المعلم أن يكون رسولا.
ولو فيه قانون تحترمه تلك الجماعة، ويقف علي تطبيقه شرفاء مخلصون لما تجرأ هؤلاء الفتية علي كسره وتحديه جهارا نهارا بلا خوف ولا خشية، في استقواء علني علي كل المسلمات الجامعيات، وكما داسوا علي القانون، وشكلوا اتحاداتهم الموازية، يدوسون علي قلب الحرم الجامعي بأحذيتهم الثقيلة.
لو فيه ولد، لو فيه بلد.. لما ساحوا وانداحوا يهددون بالويل والثبور وعظائم الأمور، ولو فيه نظام لضبط حركة هؤلاء المهاوييس في الحرم الجامعي.. لكن قبضة النظام تراخت، ضعفت، كلت يده، ووهن العظم منه.
مبروك للمرشد عاكف، ولمكتب الإرشاد أخا أخا، ومجلس شوري الجماعة أخا أخا، وكل إخواني باسمه علي تخريج الدفعة الأولي من الاستشهاديين، من كل قلبي أهنيكم، وعقبال ما نهني ونبارك علي أول عملية جهادية في ميدان التحرير لتحريره من المتبرجات والعلمانيين، ليصبح اسما علي مسمي!
مبروك علي الأستاذ محمود عزت، أمير التنظيم، الخاص بتخريج الدفعة الأولي في مدرسة الصاعقة الإخوانية التي ستصعق المنافقين.. مبروك علي الأستاذ خيرت الشاطر، نائب المرشد، الممول الرئيسي لخطط النظام الخاص.. فلوس الزكاة أثمرت.. مبروك لكل من ساهم في إطلاق كتيبة البشارة في التحول الإخواني من الدعوة بالحكمة والموعظة الحسنة إلي قاتلوهم حيث ثقفتموهم، استشهاديون لا دعاة ولا حتي قضاة.
مبروك لكل موالس للإخوان علي المساهمة في إطلاق تلك الكتيبة، ولاتلوموا الأقباط إن تشكلت كتائبهم في الأديرة والكنائس، واليسار إذا استوت سراياهم في الخلايا التحتية والسرية، والوفد إذا رجع لقمصانه الزرق في بدروم قصر البدراوي عاشور.. وخراب يامصر خراب.
ولدعاة الحوار، والاحتواء، والارتواء من نهر الإخوان العذب.. مارأيكم ـ دام فضلكم ـ في الصور التي نشرتها «المصري اليوم» أمس ألا تستحون؟ أيكم المجنون الذي يصدق أن هؤلاء يريدون بهذا البلد خيرا؟

كفاية .. كفاية حرام

كفاية .. كفاية .. حرام

.. يهيم .. يتسلل .. يزحف الليل البهيم بخيلائه.. يحاول إغواء النهار.. بلحظات الغروب الفاتنة.. يستجيب لإغوائها.. و يندس بين طياتها.. فيلتهم الليلُ النهارَ فى سواده الحالك ( ما عدا الليالى القمرية :: طيب و هل نرى القمر ) .. ترقد فوقى جاثمة.. تكتم أنفاسى الساكنة .. فتخور قواى .. و تنسدل ذراعيً؛ بجوارى مستسلمة .. و يكمن الإخوان هناك .. هنا .. مستمعاً إليها لا أدرى ما فوقى و ما حولى.. يسلم النهار للوحش الكاسر.. فيبدأ البوح بأسراره الكئيبة .. و يحكى كوابيسه و أفكاره.. ثم تنسل الشمس باردة حمراء.. ثم تكويه؛ تلهبه.. فيفر ؛ فتفضح كل أسراره.. فيسيح كل كلامه.. كلامه.. و يبدأ الإخوان فى إستغلاله.. فى ضربى.. هتك عرضى.. ربط إساره.. إسارى...

ألا من نهاية .. ألا من كفاية .. كفاية حرام.

بيان عاجل إلى .. كل المبلوجين و المبلوجات و كل أصحاب البلوجات

لقد عدت من الإجازة و سوف أحكى و أروى حتى امل و تملوا

ما أقدرش اتجاهلها.. إمرأة رائعة

كنت فى أجازة و كنت ناوي اكتب على شوية حاجات هبلة حصلت معايا فيها ؛ لكن و انا بأدعبس لقيت أحدث البلوجات الجميلة جوى قلت أباصيهالكوا لعلها تعجبكوا وتعملولها لينك عندكم؛ و بعدين أبقى أحكى عن الحاجات الهبلة بتاعتى

فهى حقا

إمـــــــرأة
بلا مــرآة
تعشق الأسرار الرمادية
وتجلس تمارس لعبتها المفضّلة
كطبيبة تداوى جراح أفئدة من فخّار

أليس قلبها كبيرا حقا
و أخيرا هذا هو الرابط


http://discoveriturself.blogspot.com/

التعديلات الدستورية و عودة على البوست فى 22 / 3 / 2006

بمناسبة خطاب السيد الرئيس فى الإجتماع المشترك لمجلسى الشعب و الشورى؛ بمناسبة بدء الدورة البرلمانية الجديدة

إليكم هذا العود الغير أحمد

http://egyptos.blogspot.com/2006_03_22_archive.html

فى المسألة الفلافيونية

فى العام اماضى تعرض فلافيو الأنجولى الذى يعب للنادى الأهلى لحملات شرسة لم يتعرض لها غيره؛ بحجة أنه لم يحرز أهدافا للنادى رغم أن غيره أقل منه فى الموهبة و تضيع منه فرص أكثر لكن لم يتعرض لما تعرض له فلافيو مما لت نظرى؛ فساورتنى الهواجس؛ فى أن سبب ما يتعرض له فلافيو هو أن زملاؤه فى الفريق و خاصة المتدين هادى خشبة؛ حاولوا دعوته للإسلام و عندما رفض دعوتهم ناله ما ناله من هجوم و إضطهاد إعلامى؛ لكن مع هذا الموسم لما ربنا رفع عنه النحس فى مسألة الأهداف لم تكن هناك حجة للهجوم عليه؛ و لأنه بدأ يسرق الأضواء من زملائه فى الفريق و كان فى أكثر من إستفتاء هو نم نهائى بطولة أفريقيا الأخيرة التىفاز بها الأهلى؛ بدأ التصريح بما حدث و صدق على هواجسى و إليكم هذا الرابط من منتديات الأخ أحمد شوبير

http://www.ahmedshobeir.com/board/showthread.php?t=994

و كان ردى على النتدى كالتالى
( حيث أتوقع أن تقوم إدارة المنتدى برفعه لأنه لا يسير فى نفس الإتجاه)

أعتقد ان هذا القول فى الإقتباس هو الصح.. و نفس أسأل ليه احنا دايما ناخد الأمور دى بحاسية و كأن عندنا نقص نريد إستكماله بهؤلاء اللعيبة اللى كل همه الفلوس عشان كدة جم و احترفوا يعنى لموضوع شغل مش موضوع ديانة بالنسبة لهم.
دى واحدة
..
الثانية : صاحب الموضوع لم يذكر مصدره أيه.. يعنى هو كان شاف أبوتريكة و وائل جمعة بعينه .. برضه دى لم يذكرها.. لذا أرجو للأمانة العلمية ألا تُذكر مواضيع تثير الكراهية لمن يلعب لنادينا الحبيب.. حتى لو كان يهودى.. و أرجو ألا يكون أحلام لصاحب الموضوع ذكرها للكيد للاعب بدأ ياخد حقه فى الإعتراف بموهبته و قدرته على إفادة نادينا الحبيب.
..
الثالثة: أتمنى على إدارة المنتدى و المشرفين عليه الا يتم السماح لذكر أخبار غير موثقة منا للبلبلة و هذا لا يضير الإسلام فى شئ.
..
الرابعة : فى الموسم الماضى؛ كنت أتعجب للهجوم الدائم و المستمر لدرجة الإضطهاد لهذا اللاعب؛ رغم إحساسى بموهبته رغم سوء الحظ الذى لامه فى إحراز الأهداف و من كثرة تفكيرى قلت لأحد زملائى فى العمل و يدعى الأستاذ / ظريف؛ عند مناقشة ذلك؛ ربما كادتنا فى مصر عندما يأتى أحد اللاعبين الأفارقة؛ فإننا حبا فيه نعوه للإسلام؛ فإن قبل هللنا بذلك؛ رغم أن هذا لن يفيد الإسلام و لا السلمين كثيرا بل إن أغلبهم يفعل ذلك رغبة فى الحصول على زيادة مالية أو ابتزاز بعض رجال النادى التابع له؛ و إن رفض قمنا بإضطهاده و النيل منه؛ و لذا فإننى أشك ى أن هذا ما حدث مع هذا اللاعب محاولة دعوته للإسلام و عندما رفض ناله ا يناله من هجوم إضطهاد إعلاميا.. هذا ما قلته فى الموسم الماضى لزميلى و كتابة هذا الموضوع فى المنتدى تزيد شكوكى.
..
و أخيرا أرجو ألا يُساء همى و أنال الهجوم و تقوم إدارة المنتدى برفع مشاركتى؛ لأنه لا يبع هواكم

عش بلا إنتماء تكسب.. إكره البلد تحبك

و الدليل على ما سبق بالعنوان هو الآتى

تزور أوراق رسمية عشان تهرب من الخدمة العسكرية؛ اللى يا ما ضحكوا علينا و قالولنا إنها خدمة الوطن و الولاء هاتكون مطرب مدعوم.. و تغنى فى إحتفالات أعز ذكرى للبلد.. و رغم إنك بتقضى العقوبة ها يدعموك و يسمحولك تغنى.. تامر حسنى

الخائن المدعوم

تتهرب من الخدمة العسكرية بالسفر لتركيا و تلعب و تكسب فلوس و تأخد الجنسية التركية عشان تهرب من الجيش و تعلن ده و ما تخبهوش.. يتم إستدعائك لتلعب فى المنتخب و تأخد فلوس كمان.. أيمن عبد العزيز .. لاعب الزمالك السابق.. نادى الخونة

تسافر الدانمارك.. تلعب هناك و تعلن أنك مش ها تلعب لمصر .. و تعلن كراهيتك للبلد .. و تسعى بشغف عشان الجنسية.. و برضه ميعبروكش.. تروح ألمانيا.. تلعب هناك .. يتم إسترضائك كى تلعب لمصر و يرفعوك النجم العال.. محمد زيدان

أوعى تقولى بقى حب البلد و لا خلى عندك إنتماء.. يا وجعى.. يا كبدى

الأهلي بطلاً لأفريقيا.. هزم بطل تونس و عاد بالكأس الأغلى

نبوءة

اليوم السبت الحادى عشر من نوفمبر سيمر الأهلى بأحرج 90 دقيقة فى هذا الموسم

الليلة الفائتة ( ليلة الجمعة / السبت الموافقة 10 / 11 من نوفمبر 2006).. رأيت ثلاث رؤى مختلفة للأهلى.. هى مختلفة .. لكنها تعبر عن رغبتى المحمومة داخل أحشائى الداخلية لكنها نتجت ليس عن قداسة لا سمح الله؛ و لكن عن صراع مرير بين رغبة تلكم الأحشاء و العقل الواعى المدرك استحالة تحقيق هذه الرؤى على أيدى لاعبى الأهلى خاصة خط الدفاع الضعيف؛ و كذلك هناك حيث الحساسية المع التوانسة.. هذه الرؤى يفصلها تقلبى فى الفراش و إفاقة ثم الذهاب إلى الحمام.. المهم فى كل الرؤى عاد الأهلى بالكأس من تونس.. ففى الأولى فاز الأهلى 1 / 0... و فى الثانية إستبسل الحضرى و زاد عن مرماه و فاز الأهلى 2/1.. و شرع الحضرى يقول ألم أقل لكم أن الكأس لنا ... وفى الثالثة رأيت بعينى أم رأسى النحاس ( عمدة ) و هو يلعب فيجلب لى السلام و الطمأنينة ؛ حيث الثقة مفقودة تماما فى غيره من عناصر الدفاع فـ عمدة هو الوحيد الذى عوض استغناء الأهلى عن هانى رمزى منذ زمن بعيد؛ كان هناك عمدة يبث الطمأنينة إلى قلبى و فاز الأهلى أيضا 1 / 0

..........................

مبروك الكأس.. هل يحق لى تهنئتكم.. أم لا

الحقيقة إننى رغم كل هذه الرؤى فليس لدى القناعة الحقيقية لتحقيق ذلك؛ و حيث أؤمن أن كل هذه الرؤى ليست سوى هلاوس عقلى الباطن لحبى الشديد للأهلى و كذلك للكم الهائل من المقالات اللى قمت بقراءتها بالجرايد و على النت بخصوص المباراة؛ و أعتقد أيضا أن كل ما فعلته جماهير بعض الأندية ( المصرى؛ الزمالك ؛ و الإسماعيلى) من هتافات ضد الأهلى و تعليق لافاتات التمنى بفوز المنافس ؛ و إرتداء فانلاته فى المدرجات و حمل أعلام المنافس ؛ كل هذا نتيجة ضغط الإعلام على أعصابهم و ليس كرها فى الأهلى

المهم يارب يكسب الأهلى و تتحقق رؤاياى .. أقصد هلوساتى.. يارب إستر

عن التحرش الجنسى فى وسط البلد أيام عيد الفطر المبارك

عارف يا أخ ميجو

الكل حواليا كان مبسوط بالعيد؛ أصحابى المسلمين يلهون و يتزاورون و يذهبون أخر اليوم إلى هرمنا؛ الهرم اللى موجود ببلدناو اللى كمل بناه والد المرحوم خوفو؛ يعنى بالعربى كدة أنا راسى براس خوفو؛ بجد مش هزار؛ و صحابى المسيحيين مبسوطين بالأجازة؛ قلت أروح لواحد منهم كنا اتفقنا اننا نسترجع ايام المراهقة و نستغل أجازة العيد فى وسط البلد و نروح سينما؛ إنشالله حتى نشوف محمد سعد فى المسرحية

لما رحتله يوم العيد بالليل اكتئبت زيادة؛ البيه رغم انه صاحب الإقتراح؛ باعنى فى أول حارة و اتفق مع عيلته يروحوا يزوروا خاله فى القاهرة؛ اتضايقت لما حسيت أنه بيستعبط و عامل نفسه مش فاكر الإقتراح بتاعه؛ و بلعت ضيقى و استسلمت لقدرى؛ و فى وسط السهراية عرفت أنهم ها يسافروا بعربيته اللى اشتراها جديد؛ بس العربية ساكند هاند يعنى مش جديدة؛ المهم.. قلت إنتقاما ها أزنق عليهم و أروح معاهم بدل زحمة المواصلات؛ و لما خرجنا الشارع انا و هو اتحايلت فى الكلام؛ مش فاكر إزاى دلوقتى؛ عرض عليا لو نازل القاهرة أركب معاهم لحد الجيزة مثلا؛ تمنعت شوية بس فى الآخر و افقت على اللى انا عاوزه من الأول.. يا بنى قلت عشان زحمة المواصلات مش تطفل و لا حاجة... بس كان عندى سبب عبيط و بتاع مراهقيتن عشان أنزل القاهرة .. مش هاأقولك عليه دلوقتى و جايز ما يجيش الوقت اللى أقول عليه أبدا... تانى يوم الصبح عدوا عليا فى شقتى متأخرين ييجى ساعة؛ قلت كويس كنت اإتخرت امبارح فى النوم؛ برضه مش ها أقول السبب؛ و كمان نمت من غير ما أكوى هدومى اللى ها ألبسها؛ فاستغليت التأخير فى الشاور و المكواة

لما جوم قعد صاحبى و والته و أخته و را؛ و قعدت انا قدام جنب أخوه اللى إكتشفت انه ماهر بجد فى السواقة و قعدنا نتريق عليه طول السكة؛ دا انت عديت يا عم.. دا انت بتسوق بجد.. كن فاكرك بتسوق فيها؛ ولا و عارف الطريق كويس .. و كمان بتسوق فى شوارع و كدة القاهرة.. لا بجد عديت..لحد ما وصلنا ميدان الجيزة نزلونى عند مستشفى الرمد؛ و لفيت أتسنكح ؛ أخدت بمبة.. إتصلت بصديق.. قال لى انه فى سفاجا.. أحاول أتصل بواحد تانى ما شوفتوش من زمان..ما أنا بدور فى دفاترى القديمة.. موبايله خارج الخدمة.. أحاول مزاولة أعمال المراهقة القديمة.. حتى دى فاشل فيها.. اوكيه أعدى على صاحب الموبايل اللى خارج الخدمة فى مكتبه.. يقولى الراجل انه ساب المكتب.. أمشى.. أرجع تانى.. أقوله طيب معاك رقمه.. يقولى دا سافرمن سنتين للخليج.. أكتئب من جديد.. و بعدين بعد ما كان حلمك ..USA..

يتحول حلمك للخليج.. إخيه.. رحت لوحدى جنينة الحيوانات.. قعدت ألف 3 ساعات.. ما أنا قرفان و دى اول مرة أدخل الجنينة طول عمرى.. قلت اروح وسط البلد.. رحت ..شباب من الجنسين كتير واقفين ع السينمات.. كل ما أروح واحدة القى كل الواقف عيال .. أمشى.. أروح منطقة الألفى.. الناس مش مبطلة اكل.. مع ان رمضان خلص.. برضه مفجوعين..أحوال أعمال مراهقة من جديد.. مش هاأقولك أيه هى برضه..و أنا واقف حيران لقى موبايلى بيرن .. أطلعه من جيبى يكون صاحبنا.. اللى باعنى فى أول حارة .. بيجاول يشترينى فى وسط البلد ( و أنا كنت فاكره عاويزنى أرجع معاه.. و كنت ناوى أبيعه):

- أنت فين؟ دا هو

- أنا هنا فى وسط البلد.. أنت فين

أنا فى القهوة اللى بنعقد عليها فى وسط البلد و معايا الجماعة.. يلا تعالى

- أوكى عشرة دقايق

فات أكتر من ساعة و رحتله.. يا أخى كنت بأخلص اللى فأيدى .. رحت سلمت عليهم.. و همست فى أذنه ما تيجى ندخل العيلة سينما.. تعزز قلبلا ثم وافق

طبعا فى الأحوال دى أنا اللى باقود المسيرة.. سيبناهم ع القهوة؛ و فضلت جاره ورايا .. نروح من هنا لهنا.. لفينا على كل السينمات..و الكل زحمة و مفيش تذاكر الا فى السوق السودا.. قلت تعال ها احاول أدخل مترو و أوصل للشباك.. ما انا عامل فيها الزعيم .. بقى .. هانى يقولى بفذلكة .. هم اللى تحت العشرين عددهم كام فى مصر.. و الله يا هانى ما تقلب عليا المواجع.. لحسن انا من الصبح ماشى فى الشوارع حاسس انى انا شاذ فى الدنيا دى لوحدى.. أوعى تفتكرواالشذوذ إياه..دا نسوانجى أصيل.. انا قصدى ان احنا اللى عواجيز وسط كل المراهقين و المراهقات.. ماشى ولو أنى مش بحب الجمع المؤنث سالم دى.. ما كلنا ولاد آدم يعنى كان كفاية أقول المراهقين.. بس لازم عشان تفهم حتى و لو أنى مش مؤمن بيها.... المهم.. واخد بالك يا عم.. أحاول أوصل للشباك.. و فعلا أوصل بقوة الدفع الغير الذاتى.. الدفع اللى بالآخر يعنى.. و بالأخرى برضه عشان ما تقولش ان انا عنصرى و ضد المرأة.. و أوصل للباب المؤدى إلى الردهة.. حلوة دى .. تقدر تسميها الفسحة.. اللى قدام مدخل السينما و بتطل عليها شبابيك التذاكر.. و عند المدخل ألاقى مراهقة ورايا.. صدرها الطرى فى ظهرى و ايدها بتحسس على.. أسفل كتفى اليمين .. و ومراهقة أخرى قدامى صدرها مش طايل صدرى و إن كان متلهف عاوز يطوله لكن أهه يا دوب طال أسفل قفصى الصدرى.. كل معاناتى دى و سى هانى واقف برة مش دريان باللى بيحصلى.. روادتنى نفسى الآمارة بالسوء إنى اتجاوب .. إفتكرت العيال .. و ضميرى نقح عليا.. ياواد يمكن مش قصدهم.. حاولت المرور .. و مع شوية غصبانية على نفسى عديت .. و صلت للشباك.. قلتلى البنت بتاع التذاكر دى مسرحية مش فيلم.. قلتها عارف قالتلى التذاكر لحفلة عشرة سيبتها و مشيت.. فى الرجعة.. قابلتنى واحدة بقوة الدفع غير الذاتى.. لكن كنت حريص.. بصراحة خفت من نفسى.. تفاديت صدرها ييجى فى صدرى.. بس كانت اطول من اللى فاتت.. و أقنعت نفسى انها مش متعمدة تقابلنى.. تفاديتها و عديت..هانى قاللى مش لازم.. يللا نرجع للجماعة .. حاولوا يقنعونى بلاش سيما.. اصريت.. قلتلهم تعالوا نروح سينما كايرو دى بقى غالبا رايقة و فعلا رايقة بس المرادى اتعرضت لتحرش من نوع تانى الولية ( المدام يعنى ) اللى فى الشباك غمزتلى بعينها و تقولى ها أحجزلك مكان حلو.. و أنا بكل سذاجة ما فهمتش.. أتاريها عاوزة تعلق خمسة جنيه منى ما احنا خمسة.. و غمزت لى .. عشان انا باين انى اهطل وأدفع.. و راسها و ألف سيف تاخدهم منى.. بالعافية خلصت 2 جنيه من ايديها .. كان فيه وقت على ميعاد الحفلة.. هانى قاللى تعالى نورى الجماعة إن هناك زحمة .. .. و أهو نتفرج ع المحلات.. قمنا رحنا ناحية مترو.. و هناك شفنا ممثل مش مشهور.. اسمه سليمان عيد قدام السيما و كل المراهقين و المراهقات اتلموا حواليه اللى عايز يسلم عليه و اللى عايز يصوره بالموبايل.. و اللى بتتفرج عليه و على صلعته.. المهم الراجل يا عينى اتبهدل و خلص نفسه بالعافية من الزحام ده .. أم هانى قالتلى انها سمعت مراهق بيقول لصاحبه تعالى نسلم عليه يمكن يشغلنا معاه.. يقصد سليمان عيد الممثل الغلبان!!!!!..يا وجعى الشباب متلهف على اى حاجة بدل الفراغ اللى عايش فيه مسكين و مصمصمت شفايفه( أم هانى) صعبان عليه الشباب .. و دخلنا لعبة الحب.. رغم أنى بأكره سماجة الأخ خالد أبو النجا.. ما عرفش نجم على أيه.. بس بجد بأموت فى هند صبرى.. دى النجمة و الا بلاش.. و مفيش عقد المصريات .. اللى عاملينلى فيها مشايخ.. و عجبتنى جرأة بطلة القصة و تحررها.. و حسسنى إن اللى شوفته برة ده مش غريب على بنات اليومين دول

.................................................................

الخلاصة بقى .. أنا دوشت دماغك يا ميجو.. بس حد يقدر يتكلم و يعمل هليلة على التحرش اللى انا اتعرضته و لا هن يتعملهم هليلة رغم إن فيهن ( انا بأستخدم لغة التأنيث لإثبات الحق فقط) من تحرشت بى يتم المبالغات دى كلها و المدونين خاربين الدنيا عشانهم و هن بيانوا يا عين حرام و مسكينات

يا مين يجيبلى حقى منهن