12.30.2006

فى أول أيام عيد الأضحى.. كل سنة و أنت طيبين


كل سنة و الجميع بخير؛ و يا ريت بقى كل واحد ما ينساش يعمل حسابى فى لحمة الخروف؛ مش ها أقبل أعذار؛ و مش ها أسامح اللى ينسانى

**********
فى العيد دايما كنا و إحنا صغيرين متعودين نروح المكان الجميل ده

؛ و هو المكان الوحيد للترفيه؛ لكن دلوقتى الواحد بيروح وسط البلد يخطف رجله بسرعة و يرجع؛ لكن عشان تتعرفوا عليه بقى؛ و بالمرة تعرفوا جزء من تاريخ بلدكم الجميل؛ اللى دايما احنا كلنا ناسيينه؛ و عمال نتخانق ع الحاضر المتخلف( هس إحنا فى العيد مش وقت وجع دماغ و مواعظ)؛

المهم التاريخ أهه


و لو عايزينه مترجم برضه أهه



و كمان ممكن تقرا ده

و لو عايزينه مترجم برضه أهه
و ممكن كمان تشوفوا الحاجات دى
و ده
و كمان ده
و كمان ده
و كمان ده
و كمان ده
و كفاية عليكم كدة بقى فى العيد؛ بس ما الاقيش حد عاملى هيصة ع التحرش فى وسط البلد الليلة ولا بكرة يعنى

هناك 19 تعليقًا:

غير معرف يقول...

كل سنة و انت طيب
حلوة بلدكم دى يا أخى بس انا بقى ها أديلك مواقع على بلدكم الفيروس دى
http://news.bbc.co.uk/hi/arabic/sci_tech/newsid_3929000/3929057.stm
يعنى عملتوا مشاكل لجوجل و كمان بيانات الفيروس اهيه
http://www.sophos.com/virusinfo/analyses/w32mydoomo.html
و بطريقة كمان أهيه
http://us.mcafee.com/virusInfo/default.asp?id=description&virus_k=127033

Egyptos يقول...

يا سيدى اهلا بيك؛ و كل سنة وانت طيب
بس التهجية بتاعة الفيروس مختلفة فى الإنجلش
يعنى الفيروس كده
Mydoom
اما إحنا بقى بنكتبها كدة
Maydoum
و بتوع الأثار بيكتبوها كدة
Meidum
يعنى فيه فرق كبير

المصري أفندي يقول...

كل سنة و انتا طيب يا عم ايجيبتوس
و حياتك شوفلنا حتة ناخد فيها ام العيال في العيد و نخليها تعيش في دور الموزة بس من غير مصاريف وحياتك و بلاش تودينا عند المساخيط و المدافن بتاعة الفراعنة أصلها بتقول عليهم كفرة

smraa alnil يقول...

كل سنة وانت طيب

Egyptos يقول...

المصرى أفندى
كل سنة و انت طيب و الأسرة كلها يعنى العيال و أم العيال طيبين و يخلوا أيامك كلها سعادة
بص يا سيدى لو ام العيال رفضت تروح عند المساخيط الفراعنة؛ إقترح عليها انكوا تروحوا تقعدوا فى وسط البلد؛ اهم اللى هناك بقى مش مساخيط و لا كفرة يعنى؛ و أنا واثق إنها ها تقولك دول الفراعنة أحلى و أجمل

Egyptos يقول...

smraa alnil
كل سنة و أنت طيبة؛ و يارب كدة يتحقق لك كل إنتى بتتمنيه فى 2007

وتجدين وسط صمتك ما تبحثين عنه بين أوراقك سواء قصاصة شعر.. أو نثر.. أو حتى عن هذيان مجنون !! ربما يخبرك حينها من أين أتيت.. ومن تكونى !!..بس و حياتك ساعتها إن اقتربنا منك فلا تبتعدين !!..و إن تأملناك فلا تشردين !!..و إن أبحرنافي عينيك.. فإنا واثقون بأننا لن نفزع !!..و يديكم الله دايما طفلة مشاكسة.. مشاغبة تضحك بصوت مرتفع تجري هنا وهناك إذا نظرت إليها أصابتك الدهشة ففي نظراتها يمتزج الحزن بالأسى !!..وترقص الفرحة
وفي نبرات صوتها ..خليط عذوبة !!..وطفولة مرحة

lonely يقول...

الموااقع جميله
بس المعلومات اللى ع النت عموما عن الحضاره الفرعونيه لا تعطيها حقها
انا بدرس اثار فرعونيه
وفى الدراسات العليا
وبجد بعشق الاثار والحضاره المصريه وبعتز بيها
واتمنيت كتير انى اكون من الزمن دا

Egyptos يقول...

Lonely
متشكر على زيارتك
و أنا بأحسس نفسى مبسوط لما الاقى حد من بلدى بيحب تاريخه و مش عايز ينفصل عنه بدعوى إن الفراعنة كانوا كفرة

kareem azmy يقول...

صديقى الغالى ايجيبتوس

كل سنة و انت بخير يا رب ديما سعيد و مبسوط
و كل احلامك تصبح حقيقة ف العام الجديد 2007

صديقك
كريم

lonely يقول...

على فكره انا بتضايق اوى لما حد يقول كانوا كفره وماكانوش
احنا مالنا
دول كانوا عظماء بكل معنى الكلمه ويا ريتنا نقدر نبقى نصهم فى عظمتهم وعبقريتهم
مع الاحتفاظ بدينا وعقديتنا
انا فعلا بعشق الحضاره المصريه

yara يقول...

eh ya egyptos???
أنت فين؟؟و مبتكتبش حاجات جديدة ليه؟؟
على العموم حبيت أقولك إنى الحمدلله خلصت إمتحانات و حليت كويس
المهم عايزيين جديد بقى

Egyptos يقول...
أزال المؤلف هذا التعليق.
Egyptos يقول...

Yara
إزيك عاملة أيه
أولاً : الحمد لله ع الإمتحانات؛ بجد مبسوط إنك عملتى كويس فى الإمتحانات
ثانياً: متشكر إنك لسة فاكرانى
بس كنت فى أجازة طويلة و رجعت عندى زحمة شغل و إنشاء الله ها يبقى فيه جديد و متشكر تانى ع اللينك اللى عندك إنشاء الله ربنا يقدرنا و نرد جمايلك يا باشمهندسة

غير معرف يقول...

كل سنه وانت طيب
متأخرش شويتين بس مش مشكله
مادام لحمه الخروف لسه موجوده
للأسف ماعتقدش ان حد بقى يروح الاماكن دى
احنا بقى عندنا جهل وتخلف عقلى من ناحية كل حاجه تفكرنا بحضارتنا
هيييييه نقول ايه بقى؟؟
معلش يازمن

Egyptos يقول...

وينكى

مش مشكلة التاخير و لا يهمك؛ دا كفاية لا دا كتير علينا؛ شرف زيارتك لينا؛ و متشكر ع الإضافة عندك؛ دا فوق ما كنت أتعشم و أتصور إنك تضيفينى عندك؛ و يا رب تيجى الفرصة و تزورى المكان ده

yara يقول...

hey egyptos
where are you?
it's been a huge while
are you okey
?

Egyptos يقول...

Yara
Hey, How are you? and thx for your concern.
I'm just go through difficult time on my job

غير معرف يقول...

ايه ده؟؟؟
هو انت هجرت المدونه ولا ايه؟؟؟؟؟
انت فين يا ايجيبتوس

Egyptos يقول...

متشكر يا عزيزتى وينكى على إهتمامك
بس بجد فيه شوية مشاكل بالشغل؛ و فين و فين لما بأشوف النت .. صلي لى ربنا يفكها